ԱՄՆ նախագահ Դոնալդ Թրամփը ստորագրել է նոր հրաման, որը 90 օրով դադարեցնում է ԱՄՆ մուտքը գերազանցապես մուսուլմանական բնակչություն ունեցող 6 երկրների քաղաքացիների համար։ Ինչպես հաղորդում է BBC-ն, խոսքն Իրանի, Եմենի, Լիբիայի, Սիրիայի, Սոմալիի և Սուդանի մասին է:
ԱՄՆ-ում փախստականների ընդունման ծրագիրը կդադարեցվի 120 օրով։ Ի տարբերություն նախորդ հրամանագրի, նոր տարբերակում սիրիացի փախստականների ընդունման լիարժեք արգելքի մասին չի հիշատակվում: Նոր հրամանագիրն ուժ մեջ է մտնելու մարտի 16-ից:
Թրամփի նոր հրամանում Իրաքը ցուցակում ընդգրկված չէ: Սպիտակ տան ներկայացուցիչներն այս փաստը մեկնաբանել են նրանով, որ Իրաքի կառավարությունը խստացրել է ԱՄՆ մուտքի այցագրի համար դիմող անձանց ստուգումը և ակտիվացրել է տվյալների փոխանակումը: Նոր հրամանը առավելություն չի տալիս նաև առանձին կրոնական փոքրամասնություններին, ինչպես նախկին փաստաթղթում:
Նշենք, որ «Գրին քարտ» ունեցող վերոնշյալ երկրների քաղաքացիների վրա հրամանագիրը չի տարածվում:
Կարդացեք նաև
Հիշեցնենք, որ ներգաղթային քաղաքականության մասին Թրամփի նախորդ հրամանագիրն էր արգելափակվել էր դաշնային դատարանի կողմից:
Պատրաստեց՝ Վիկտորյա ԱՆԴՐԵԱՍՅԱՆԸ
