«Մերիտոկրատիկ համակարգ ստեղծող էին, թող իրենց ժամանակ ստեղծեին»,- ՀՅԴ խմբակցության ղեկավար Արմեն Ռուստամյանը մեզ հետ զրույցում այսպես պատասխանեց «ՀԱԿ-ՀԺԿ» դաշինքի նախընտրական ծրագրի այն խոստման հետ կապված, որ իրենք ստեղծելու են շնորհապետություն՝ ի հեճուկս այս իշխանությունների ստեղծած ավազակապետության:
Արմեն Ռուստամյանի խոսքով՝ այդ ՀՅԴ-ն է, որ գնում է շնորհապետության, եւ դրա հիմքը արդեն դրել են. «Հիմքերը դրել ենք, որ դրան հասնենք: Բայց իրենք չեն ընդունում, որ այն համակարգը, որ իրենք դրեցին 95-ին, հենց հերն անիծեց այդ շնորհապետությանը հասնելու բոլոր գործընթացների: Իրենք ստեղծեցին մի համակարգ, որ մենիշխանության տարավ: Իսկ մենք դրանից ենք ազատվում՝ մենիշխանությունից: Այն ավտորիտար ռեժիմը, որ Հայաստանում արմատներ գցեց, արմատներ գցեց հենց այդ համակարգի հիման վրա: Սրանից ենք մենք ուզում ազատել մեր հասարակությանը»:
Կարդացեք նաև
«Առավոտ»
04,03.2017
