Երեկ Երևան է ժամանել ՌԴ Պետդումայի նախագահ Վյաչեսլավ Վոլոդինի գլխավորած խորհրդարանական պատվիրակությունը: Վոլոդինին ընդունել է նաև Սերժ Սարգսյանը: Առաջին հայացքից ոչ արտառոց թվացող այս հայ-ռուսական փոխայցելության հերթական դրվագում, սակայն, կա մի ուշագրավ հանգամանք: Բանն այն է, որ Վոլոդինի գլխավորած խորհրդարանական պատվիրակության կազմում, ինչպես հայտնում է «Սպուտնիկ Արմենիա» ռուսական գործակալությունը, Հայաստան է ժամանել նաև այսպես կոչված Ղրիմի խորհրդարանի ներկայացուցիչը՝ այսպես կոչված Ղրիմի պետական խորհրդի նախագահ Վլադիմիր Կոնստանտինովը: Թե ինչ է Ղրիմը միջազգային օրակարգում՝ թերևս, ավելորդ է բացատրել կամ մեկնաբանել:
Համենայն դեպս, խիստ ուշագրավ է Սերժ Սարգսյանի Բրյուսել կատարած բավական ներկայացուցչական այցից հետո Ռուսաստանի «ներկայացուցչական» պատվիրակության այցը Հայաստան՝ կազմում ընդգրկելով մեկին, որի ներկայությունը ըստ էության կարող է Հայաստանի համար դառնալ դիվանագիտական-քաղաքական ական միջազգային հանրության հետ հարաբերություններում կամ առնվազն միջազգային վարկանիշի հարցում: Եվ արդյոք պատահակա՞ն է, որ այդ «ականը» Մոսկվան տեղադրում է այն ժամանակ, երբ թվում է՝ քիչ թե շատ վերականգնվում է Հայաստանի միջազգային վարկը, որ փոշիացել էր 2013 թվականի սեպտեմբերի 3-ի «պայթյունից» հետո:
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
