«ԴԵՊՈՊ Կառավարման Ինստիտուտի» (որպես Երևանում գրանցված հետազոտական կենտրոնի) կիզակետում Հայաստանում կառավարման բարելավման և օրենքի գերակայության խնդիրներն են։
«ԴԵՊՈՊ Կառավարման Ինստիտուտը» ազդարարում է երեք նախագիծ՝ ուղղված քաղաքացիական իրազեկության, ինչպես նաև ընտրողների, թեկնածուների, բոլոր քաղաքական ուժերի պատասխանատվության բարձրացմանը։ Սփյուռքի մասնակցությունը Հայաստանում ձևավորված արժեքային համակարգի զարգացման և բարելավման գործում անհրաժեշտաբար ենթադրում է նաև մասնակցություն Հայաստանում քաղաքական մշակույթի բարելավման հարցում, ինչը նշանակում է որոշակի ներդրում ժողովրդավարացման գործընթացի ամրապնդման մեջ: Այս առումով 2017 թվականի ապրիլի 2-ին կայանալիք խորհրդարանական ընտրությունները պարունակում են եզակի հնարավորություն, միևնույն ժամանակ՝ նաև կարևոր մարտահրավեր: «ԴԵՊՈՊ Կառավարման Ինստիտուտը» հիմնադրվեց՝ աջակցելու արդար և թափանցիկ ընտրական գործընթացին՝ նպատակ հետապնդելով մշակելու որոշակիորեն տարբեր քաղաքական մշակույթ Հայաստանում՝ որպես երկարաժամկետ գերխնդիր։
2013 թվականին հետազոտական խումբ ձևավորվեց` ուսումնասիրելու ապաբնակեցման ճգնաժամը Հայաստանում` բնակչության թվաքանակի նվազման և արտագաղթի տագնապալի չափերի բուն պատճառները։ Նույն թվականին Depop-ը (այսուհետ՝ «ԴԵՊՈՊ»՝ այսպես կոչվեց խումբը անգլերեն “depopulation” «ապաբնակեցում» բառից) կազմեց ու հրապարակեց մի զեկույց՝ վերնագրված՝ «Հայաստանի բնակչության թվի անկումը. ճգնաժամի ակունքները և դրանց հաղթահարման ուղիները» (աղբյուրը՝ www.depop.am): «ԴԵՊՈՊ Կառավարման Ինստիտուտը», լինելով վերոնշյալ խմբի տրամաբանական շարունակությունը, հիմնադրվեց այս տարվա հունվարին, և որպես քաղաքացիական հասարակության հավաքական ջանքերի մի մաս՝ աջակցելու է լավ կառավարմանը՝ մասնավորապես 2017-ի ապրիլի 2-ին կայանալիք խորհրդարանական ընտրությունների համատեքստում: Մեր հասարակական կազմակերպությունը թիրախավորում է երեք առաջնային նախաձեռնություն՝ բարձրացնելու հանրային իրազեկությունը սոցիալական, տնտեսական և քաղաքական բանավեճերի, ինչպես նաև խրախուսող պատգամների միջոցով:
Այդ նախաձեռնություններն են՝
Կարդացեք նաև
Մամուլի ակումբ. քննարկումների և բանավեճի ձևաչափ է, որը միավորում է առանցքային դեմքերի տարբեր քաղաքական, տնտեսական և քաղաքացիական հարթություններից՝ քննարկելու Հայաստանի համար կարևորագույն հիմնախնդիրները։ Այս նախագիծն արդյունք է «168 ժամ» թերթի խմբագրության հետ համագործակցության: Նախագիծը կյանքի կոչվեց 2017-ի փետրվարի սկզբին, ունի ինը շաբաթվա տևողություն՝ ներառյալ մեկ շաբաթ խորհրդարանական ընտրություններից հետո:
Ստատուս Քվո. համագործակցության նախագիծ է Հանրային ռադիոյի հետ: Այն բաղկացած է ռադիոծրագրերից, որոնք հեռարձակվում են Հայաստանի ամբողջ տարածքում և Արցախում, ինչպես նաև Սփյուռքի համայնքներում: Նախագիծը նպատակ ունի պայքարելու ընտրակաշառքների և կոռուպցիայի դեմ: Ինը ռադիոհաղորդում է նախատեսվում մինչև առաջիկա խորհրդարանական ընտրությունները: Ռադիոհաղորդաշարը կհյուրընկալի փորձագետների համապատասխան ոլորտներից՝ ըստ հաղորդման թեմայի, և կլինի ուղիղ հեռարձակում՝ հնարավորություն տալով ունկնդիրներին հարցեր ուղղելու հեռախոսազանգերով:
«Ապրիլն իմ ապագան է»: Հանրային Ծանուցումների Ծառայության (PSA’s) նախագիծ՝ չորս տեսահոլովակով. առաջին ցուցադրումը «ԴԵՊՈՊ Կառավարման Ինստիտուտի» մամուլի ասուլիսին՝ մարտի 2-ին, 2017 թ.: Նախագծի նպատակն է ներգործել ընդհանուր ընտրազանգվածի վարքագծի վրա ընտրությունների գործընթացում: Ի թիվս այլ գործառույթների՝ նախագիծը ներկայացնելու են հանրությանը հայտնի հարգարժան մարդիկ, ովքեր ընտրությունների շրջանում խրախուսելու են ձեռնպահ մնալ բացասական սովորույթներից, ինչպիսիք են՝ ընտրություններին չմասնակցելը կամ ընտրակաշառք վերցնելը:
Հանրային Ծանուցումների Ծառայության (PSA’s) նախագիծը տարածվելու է սոցիալական լրատվամիջոցներով: «ԴԵՊՈՊ Կառավարման Ինստիտուտը» դիմելու է նաև հեռուստաընկերություններին՝ հեռարձակելու չորս տեսահոլովակներն իրենց ալիքներով: Նույն կերպ ընտրապայքարին մասնակցող բոլոր կուսակցությունների ու քաղաքական դաշինքների հետ պայմանավորվածություն է ձեռք բերվելու հեռուստալիքներով պաշտոնապես իրենց հատկացված ժամանակից մի փոքր մաս նվիրելու չորս տեսահոլովակների հեռարձակմանը ընտրարշավի շրջանակներում:
2017-ի ապրիլի վերջին մեր հասարակական կազմակերպությունը հրապարակելու է համապարփակ զեկույց իր գործունեության և արդյունքների վերաբերյալ:
«ԴԵՊՈՊ Կառավարման Ինստիտուտի» մասին լրացուցիչ տեղեկությունների համար տես՝
Հանրային Ծանուցումների Ծառայության (PSA’s) ՝ «Ապրիլն իմ ապագան է» նախագծի հղում
«Դիրքորոշման հուշագիր» տեղեկագիրը այստեղ:
