ԲՀԿ խմբակցության պատգամավոր Վահե Էնֆիաջյանն այսօր ԱԺ-կառավարություն հարցուպատասխանի ժամանակ հարցրեց՝ հարգելի կառավարություն, նորմա՞լ եք համարում, որ մեկ ամսում 7000 քաղաքացի փոխել է իր բնակության հասցեն:
Արդարադատության նախարար Արփինե Հովհաննիսյանը պատասխանեց, որ նախորդ տարիներին էլ այս նույն ժամանակահատվածում քաղաքացիների հաշվառման տվյալներն այդպիսին են եղել: 2017-ի հունվարի 10-ից փետրվարի 10-ը 7077 քաղաքացի փոխել է իր հաշվառման հասցեն: 2016-ին նույն ժամանակահատվածում մոտ 6000 քաղաքացի է տեղափոխվել, երբ ընտրություն չկար: 2013-ին 7134 դիմում է եղել, 2014-ին 5000-ը գերազանցել է այդ թիվը, 2015-ին՝ շուրջ 6 հազար է եղել:
Արփինե Հովհաննիսյանն ասաց, որ հասկանում է մտահոգությունը, բայց արտառոց ոչինչ չկա, որ այս ընթացքում այդքան քաղաքացի փոխել է իր հաշվառման հասցեն:
Կարդացեք նաև
Հռիփսիմե ՋԵԲԵՋՅԱՆ
