«Մարտի 1»-ի մեղավորներն այդ օրվա իշխանություններն են՝ իրենց ողջ կազմով: Բոլոր նրանք, ովքեր հրամաններ են տվել եւ մեղսակից դարձել այդ ողբերգությանը»,-այս մասին այսօր լրագրողների հետ զրույցում ասաց «Ազատ դեմոկրատներ» կուսակցության նախագահ Խաչատուր Քոքոբելյանը:
Հիշեցնենք, որ «Ազատ դեմոկրատներ» կուսակցության անդամները եւս ծաղիկներ դրեցին Ալ. Մյասնիկյանի արձանի մոտ՝ հարգելով 2008 թվականի «Մարտի 1»-ի 10 զոհերի հիշատակը:
Խաչատուր Քոքոբելյանը նշեց, որ իրեն եւս մեղավոր է համարում նրանում, որ մինչ օրս «Մարտի 1»-ի գործը բացահայտված չէ. «Մինչեւ իրական մեղավորները չկանգնեն դատարանի առաջ, ՀՀ-ում ժողովրդավարությունը եւ արդարադատությունը չեն կայանա: Բոլորը գիտեն, անգամ անվանական, թե ով ինչ չափի մեղավորություն ունի»:
Խաչատուր Քոքոբելյանի ձեւակերպմամբ՝ փաստ է, որ մինչեւ այս պահն իմանալով, թե ովքեր են «Մարտի 1»-ի մեղավորները, որեւէ մեկը պատասխանատվության չի ենթարկվել. «Ավելին. նրանք բարձր դիրքերում են, ուժային կառույցներում, բարձր պաշտոններ են զբաղեցնում: Չեմ խուսափում անուններ ասելուց, բայց հարգում եմ անմեղության կանխավարկածը: Այդ օրվա իշխանության բոլոր դերակատարները հավասարաչափ իրենց դերն ունեն»:
Կարդացեք նաև
Լուիզա ՍՈՒՔԻԱՍՅԱՆ
