Փետրվարի սկզբին Զելենոդոլսկում անցկացված ծանրամարտի Ռուսաստանի գավաթի խաղարկության արդյունքներով երկու հայ ծանրորդներ հրավիրվել են Ռուսաստանի ազգային հավաքական եւ նախապատրաստվում են ապրիլի 1-ից 9-ը Խորվաթիայի Սպլիտ քաղաքում կայանալիք ծանրամարտի Եվրոպայի առաջնությանը:
Վանիկ Մկրտումյանը 56 կգ քաշային կարգում ցույց է տվել երկամարտի 237 (106+131) կիլոգրամ արդյունք եւ նվաճել ՌԴ գավաթը, իսկ 105 կգ քաշային կարգում աշխարհի առաջնության եռակի մրցանակակիր Դավիթ Բեջանյանը 386 (170+216) կիլոգրամով բավարարվել է երկրորդ տեղով:
Այդուհանդերձ, գլխավոր մարզիչ Պավել Կուզնեցովը Բեջանյանին նույնպես հրավիրել է ուսումնամարզական հավաքի՝ նկատի ունենալով նրա կայուն բարձր ցուցանիշերը միջազգային մրցահարթակներում:
Կարդացեք նաև
Աշոտ ՀԱԿՈԲՅԱՆ
