ՀԱԿ խմբակցության ղեկավար Լեւոն Զուրաբյանն այսօր ԱԺ նիստում անդրադարձավ սահմանին հակառակորդի դիվերսիոն խմբերի գործողություններին եւ մեր տղաների քաջագործությանը:
Նա հարցրեց ԱԺ նախագահ Գալուստ Սահակյանին, թե չե՞ն պատրաստվում փակ նիստ հրավիրել քննարկելու իրավիճակը:
Գալուստ Սահակյանը պատասխանեց. «Մեր խնդիրը պայքարն է, ես կարծում եմ, մենք պիտի պայքարենք մինչեւ վերջ: Պետք է կարողանանք հասկանալ, թե այդ փակ նիստում մենք ինչ ենք անելու: Այն գործողությունները, որոնք կատարվում են, ամբողջ հասարակությունը գիտի: Համենայնդեպս, կմտածենք»:
Կարդացեք նաև
ԲՀԿ խմբակցության ղեկավար Նաիրա Զոհրաբյանի խոսքերով՝ նախագծերը քառօրյայից քառօրյա տշվում են. «Ի՞նչն է ձեզ խանգարում այս քառօրյայում քննարկման դնել ԱԺ հայտարարության նախագիծը 2014-ին սկսված եւ առ այսօր շարունակվող Հյուսիսային Իրաքում եզդիների հետ տեղի ունեցածը ցեղասպանական գործողություն որակել: Մենք լավություն չենք անում եզդիներին»:
Գալուստ Սահակյանը պատասխանեց. «Սովորաբար ցեղասպանություն որոշելու համար անհրաժեշտ է միջազգային հանրության կարծիքը: Մենք էլ գտնում ենք,որ շատ վատ երեւույթ է տեղի ունեցել, եւ մենք մեր խոսքը պիտի ասենք: Ինչ վերաբերում է դնել նախագիծ եւ դա ճանաչել ցեղասպանություն՝ դրանով ոչ եզդի ժողովրդին օգուտ կտանք, ոչ էլ այդ գործընթացին»:
Հիշեցնենք, որ մինչ այդ, երբ Նաիրա Զոհրաբյանը հայտնել էր, որ պատրաստվում է նման հայտարարության տեքստ մշակել, Գալուստ Սահակյանը համաձայնել էր, ասել էր, որ իրենք դեմ չեն եւ համամիտ են:
Հռիփսիմե ՋԵԲԵՋՅԱՆ
