Արդյոք կանխատեսված 3,2 տոկոս ՀՆԱ-ն կապահովենք, հարցին, այսօր կառավարության նիստից հետո, լրագրողների հետ զրույցում ֆինանսների նախարար Վարդան Արամյանն ասաց, որ, եթե արտաքին աշխարհում ոչ մի արտառոց բան չպատահի, ապա` ՀՆԱ-ի աճն ավելին կլինի: Թե ինչի՞ շնորհիվ, պարոն Արամյանն ասաց` ներդրված գործիքների ու ծրագրերի:
Լրագրողները նաեւ հետաքրքրվեցին, թե նախորդ տարիներին իշխանությունների, մասնավորապես, Սերժ Սարգսյանի տված նախընտրական խոստումներից կարո՞ղ է առանձնացնել մի քանիսը, որոնք իրականություն են դարձել:
«Այո, բավական շատ ծրագրեր, օրինակ՝ բնակարան երիտասարդներին ծրագիրը: Ծրագրային դրույթների մեջ եղել է նաեւ դրույթ, որ մենք պետք է աստիճանաբար մեր տնտեսական կառուցվածքը փոխենք, պետք է ոչ արտահանելի հատվածից տեղափոխվենք արտահանելի հատված: Մենք նաեւ ներկայացրել ենք կենսաթոշակային բարեփոխումների ծրագիրը: Չգիտեմ, մարդիկ ասում են, որ կենսաթոշակային բարեփոխումները խնդրահարույց են, ես վստահ եմ, որ այդ մասին մենք կխոսենք ապագայում: Դա այն լավագույն բարեփոխումն է, որը Հայաստանն իրականացնում է»,-ասաց Վարդան Արամյանը:
Մանրամասները` տեսանյութում
Կարդացեք նաև
Լուսինե ԲՈՒԴԱՂՅԱՆ
