Գարունը մոտենում է, եւ այն մարդիկ, որոնք ունեն սրտանոթային անբավարարություն, որպեսզի վիճակն ավելի չսրվի եւ ավելին՝ կարգավորվի, հարկավոր է բնական միջոցներով սկսել բուժում հենց վաղվանից:
Սրտային անբավարարության, սրտի հետին պատի ոչ բավարար սնուցման, սրտի թուլության եւ այլ հիվանդությունների ժամանակ, որոնք կապված են սնուցման հետ, ժողովրդական բժշկությունն առաջարկում է հետեւյալ միջոցները:
Վերցնել 400 գրամ ծիրանի չիր, 200 գրամ սեւ չամիչ, 3 հատ կիտրոն, 30 հատ մաքրած ընկույզի միջուկ: Այս բոլորը լվանալ եւ աղալ, վրան լցնել 200 գրամ մաքուր մեղր, լավ խառնել եւ լցնել ապակյա տարայի մեջ: Պահել սառնարանում 3 օր, այնուհետեւ օգտագործել օրական 3 անգամ՝ 1 ճաշի գդալ, ուտելուց մեկ ժամ առաջ:
Հարկավոր է այն օգտագործել 40 օր անընդմեջ, որից հետո կզգաք բավականին լավ: Առավել հիանալի արդյունք ունենալու համար կարելի է կրկնել 15 օր անց եւս 1 կուրս:
Կարդացեք նաև
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
21,02.2017
