Հայաստանում փախստական ճանաչված եւ ապաստան ստացած անձանց համար կկազմակերպվեն հայոց լեզվի դասընթացներ: Այս պարտավորությունը ստանձնել ենք մարդու իրավունքների վերաբերյալ միջազգային մի շարք փաստաթղթերով ստանձնած պարտավորություններով:
Նախագիծը կառավարության հինգշաբթի օրվա նիստում վարչապետին կներկայացնի տարածքային կառավարման եւ զարգացման նախարար Դավիթ Լոքյանը (լուսանկարում): Ըստ նրա, որոշման նախագծի նպատակն է ապահովել ՀՀ կողմից մարդու պարտավորությունների կատարումը` Հայաստանի Հանրապետությունում բնակություն հաստատած օտարերկրացիների ինտեգրման միջոցով ապահովելով հասարակության համերաշխությունն ու կայունությունը եւ խուսափելով մարգինալ խավերի առաջացումից:
Հայոց լեզվի ուսուցման դասընթացները կազմակերպվելու են անվճար եւ վճարովի հիմունքներով:
Անվճար դասընթացները հասանելի են լինելու միայն ՀՀ-ում ապաստան ստացած եւ փախստական ճանաչված անձանց համար: Դասընթացի անցկացման ծրագիրը մշակվելու է ՀՀ-ում ապաստան ստացած եւ փախստական ճանաչված չափահաս անձանց, ՀՀ-ում ապաստան ստացած փախստական ճանաչված դպրոցահասակ երեխաների, ՀՀ-ում ժամանակավոր եւ մշտական կացության կարգավիճակ ստացած անձանց համար:
Կարդացեք նաև
Լուսինե ԲՈՒԴԱՂՅԱՆ
