Տորոնտոյի քաղաքական խորհրդի անդամ Ջիմ Քարիգիաննիսը Արցախ այցելած 104 միջազգային դիտորդներից մեկն էր, որը փետրվարի 20-ին սահմանադրական փոփոխությունների հանրաքվեի ընթացքում դիտորդական առաքելություն է իրականացրել:
Լրագրողների հետ հանդիպման ընթացքում նա նշեց, որ տաս անգամ իր անունը եղել է ցուցակում, որից ինը նա հաջողել է, բազմաթիվ քարոզարշավների է մասնակցել եւ մի շարք երկրներում եղել է միջազգային դիտորդ. «Այն, ինչ տեսա այստեղ, գերազանց էր: 75-ից տոկոսից ավելի մարդիկ են մասնակցել հանրաքվեին, այն դեպքում, երբ այն նախագահական կամ խորհրդարանական ընտրություն չէր, բայց դա ժողովրդի ընտրությունն էր, որը ցանկանում է փոփոխություններ իրականացնել: Եվ եթե ընտրություններ անցկացնելու լինեին, Արցախի բնակիչները արժանի կլինեին Օսկարի, ոչ միայն քաղաքական գործիչներին եւ մարդկանց, որոնք ընտրատեղամասերում էին, այլ նաեւ հասարակ արցախցուն»:
Նա նշեց, որ դիտորդները կարող են տեխնիկական փոփոխություններ առաջարկեն, բայց արցախցիները ցույց տվեցին աշխարհին, որ կարող են փոփոխություններ իրականացնել. «Ձեզ պետք չէ, որ մենք ասենք, թե ինչ անեք: Ես մասնակցել եմ տաս ընտրությունների, ինը հաջող է անցել, բայց մենք ձեզնից բաներ ենք սովորել: Դուք երեկ Օսկար ստացաք»:
Ամի ՉԻՉԱԿՅԱՆ
