Փետրվարի 21-22-ը Հայաստանի արտաքին գործերի նախարար Էդվարդ Նալբանդյանը Ռուսաստանի արտգործնախարար Սերգեյ Լավրովի հրավերով պաշտոնական այց կկատարի Ռուսաստան:
Նալբանդյանը եւ Լավրովը կքննարկեն Հայաստան-Ռուսաստան դաշնակցային, ռազմավարական հարաբերությունների օրակարգի հարցերի լայն շրջանակ, երկու երկրների ղեկավարների միջեւ ձեռք բերված պայմանավորվածությունների իրականացման ընթացքը։ Հանդիպմանը մտքեր կփոխանակվեն տարածաշրջանային եւ միջազգային հրատապ խնդիրների շուրջ։ Հայաստանի եւ Ռուսաստանի ԱԳ նախարարները կքննարկեն Ղարաբաղյան հիմնախնդրի կարգավորման գործընթացի առաջմղման նպատակով Վիեննայում եւ Սանկտ Պետերբուրգում կայացած գագաթնաժողովներին ձեռք բերված պայմանավորվածությունների կատարման ուղղությամբ ձեռնարկվող քայլերը։
Նշենք, որ անցյալ շաբաթ Մյունխենում` անվտանգության ամենամյա միջազգային համաժողովի շրջանակներում, ԵԱՀԿ Մինսկի խմբի համանախագահների նախաձեռնությամբ եւ ներկայությամբ կայացել է Էդվարդ Նալբանդյանի եւ Էլմար Մամեդյարովի հանդիպումը:
Կարդացեք նաև
«Առավոտ»
21,02.2017
