«Ոչ մի խնդրահարույց բան չեմ կարող ասել այս ընտրությունների մասին»,- փետրվարի 21-ին լրագրողների հետ հանդիպման ընթացքում ասաց Եվրոպական խորհրդարանի անդամ Ֆրանկ Էնգելը:
Հիշեցնենք՝ փետրվարի 20-ին Արցախում սահմանադրական փոփոխությունների հանրաքվեն էր: Ըստ Արցախի հանրաքվեի կենտրոնական հանձնաժողովի նախնական տվյալների սահմանադրական փոփոխություններին կողմ է քվեարկել 69 540 ընտրող, այսինքն՝ ընտրած քաղաքացիների 87.6 տոկոսը:
Ֆրանկ Էնգելը ուշագրավ է համարում հանրաքվեին մասնակցության թիվը. «Եթե այս քանակով մարդիկ են քվեարկում, ուրեմն՝ սա ինչ-որ բան նշանակում է: Միջազգային ժխտումը չի կարող ազդել արցախցիների կամքի վրա՝ ներգրավվել ժողովրդավարական գործընթացներում, եւ դուրս գան ամբողջ աշխարհի դեմ: Կասկած չկա, սա ինչ-որ բան նշանակում է, որ քվեարկողների 2/3-րդը ասել է այո այս Սահմանադրությանը, եւ այսպիսով լեգիտիմությունը կասկածի տակ չի կարող լինել»:
Հարցին, թե կարո՞ղ է սահմանադրական փոփոխությունների հանրաքվեն ազդեցություն ունենալ Լեռնային Ղարաբաղի կոնֆլիկտի կարգավորման վրա, Ֆրանկ Էնգելը պատասխանեց. «Սա առաջին Սահմանադրությունը չէ, որ անցկացվել է Լեռնային Ղարաբաղում, եւ չի կարող ոչ մի ազդեցություն կունենա կոնֆլիկտի կարգավորման վրա: Չեմ կարծում, որ Սահմանադրության փոփոխությունը հետեւանքներ կունենա՝ թե՛ դրական, թե՛ բացասական»:
Կարդացեք նաև
Ամի ՉԻՉԱԿՅԱՆ
