Առաջիկա ԱԺ ընտրություններին միասին մասնակցող «Ազատություն» եւ «Ազատ Դեմոկրատներ» կուսակցությունների համամասնական ցուցակում, ինչպես հայտնի է, ընդգրկված է 101 թեկնածու:
Առաջին տասնյակը հետեւյալ տեսքն ունի:
- Խաչատուր Քոքոբելյան
- Հրանտ Բագրատյան
- Ստյոպա Սաֆարյան
- Անահիտ Բախշյան
- Մասիս Այվազյան
- Անժելա Խաչատրյան
- Արմեն Առաքելյան
- Սոնա Մինասյանը
- Նարեկ Այվազյան
- Գագիկ Բաղդասարյան
«Մենք կարող ենք» կարգախոսը որդեգրած «Ազատ դեմոկրատներ» կուսակցության ցուցակը գլխավորող պատգամավոր Խաչատուր Քոքոբելյանը ` «Ժառանգություն» կուսակցության հետ դաշինքի անդամ էր, ՀՀՇ կուսակցության վարչության նախկին փոխնախագահ:
Կարդացեք նաև
Ցուցակի 2-րդ հորիզոնականը զբաղեցնող ՀԱԿ խմբակցության պատգամավոր, տնտեսագետ Հրանտ Բագրատյանն էլ, ինչպես հայտնի է, «Ազատություն» կուսակցության հիմնադիրն է, ՀՀ նախկին վարչապետ, էկոնոմիկայի նախկին նախարար, ՀԱԿ հիմնադիր-անդամ: Բագրատյանը «Ազատ դեմոկրատների» վարչապետի թեկնածուն է:
- Ստյոպա Սաֆարյանն էլ 4-րդ գումարման ԱԺ պատգամավոր էր: «Ժառանգության» նախկին անդամը «Միջազգայինև անվտանգության հարցերի հայկական ինստիտուտի» հիմնադիր նախագահն է, քաղաքական վերլուծաբան: 2009-2012 թթ. Ստյոպա Սաֆարյանը «Ժառանգության» ղեկավարն էր, իսկ ավելի վաղ՝ քարտուղարը:
4. Կրթության փորձագետ, Դ. Դեմիրճյանի անվան թիվ 27 դպրոցի նախկին տնօրեն, նախկին պատգամավոր, իսկ ներկայում՝ Կրթության ազգային ինստիտուտի փոխտնօրեն, կրկին նախկին «Ժառանգական» Անահիտ Բախշյանն էլ Երեւանի ավագանու անդամ է: Հիշեցնենք՝ նա այսօր հստակեցրել է, թե ինչ է փոխելու՝ պատգամավոր ընտրվելու դեպքում:
5. Մասիս Այվազյանն «Ազատ դեմոկրատների» գործադիր քարտուղարն է, Մարտի 1-ի գործով նախկին քաղբանտարկյալ, նախկին փոխոստիկանապետ, որը 2012թ. ԱԺ ընտրություններում առաջադրվել էր «Ժառանգության» համամասնական ցուցակով:
6. Անժելա Խաչատրյանն «Ազատ դեմոկրատներ» կուսակցության վարչության անդամ է, փոխնախագահ:
7-րդ տեղում «Ազատ դեմոկրատների» վարչության անդամ Արմեն Առաքելյանն է, իսկ 8-րդ տեղում՝ կուսակցության մամուլի խոսնակ Սոնա Մինասյանը:
Ցուցակի 9-րդ տեղում 2015թ. էլեկտրաէներգիայի թանկացման դեմ պայքարող «Էլեկտրիկ Երեւան» քաղաքացիական նախաձեռնության ակտիվիստ Նարեկ Այվազյանն է:
Տասնյակը եզրափակում է նախկին պատգամավոր, ՕԵԿ-ից հեռացված Գագիկ Բաղդասարյանը, որը ներկայում Երևանի ավագանու «Բարև Երևան» խմբակցության ղեկավարն է:
Շարունակելի
Պատրաստեց Լուիզա ՍՈՒՔԻԱՍՅԱՆԸ
