Փետրվարի 20-ին Լեռնային Ղարաբաղում սահմանադրական փոփոխությունների հանրաքվեն է: Հանրաքվեի կենտրոնական հանձնաժողովի նախագահ Սրբուհի Արզումանյանը լրագրողներին հայտնեց, որ քվեարկության մեկնարկը տվել է ժամը 8-ին:
«Բոլոր տեղամասերն անխտիր բացվել են ժամը 8-ին: Ժամը 9-ին բացվեց նաեւ Շուշի քրեակատարողական հիմնարկի տեղամասը»,- ասաց նա:
Սրբուհի Արզումանյանը, անդրադառնալով Թալիշ գյուղի բնակիչներին, որոնք ապրիլյան պատերազմից հետո բնակություն են հաստատել Հայաստանի Հանրապետությունում, ասաց, որ նրանք իրազեկված են տեխնիկական հնարավորություններով ապահովվելու մասին: Կազմակերպական աշխատանքները կհոգա Հայաստանում Լեռնային Ղարաբաղի ներկայացուցչությունը:
Հիշեցնենք՝ հանրաքվեին մասնակցում են 104 միջազգային դիտորդներ աշխարհի 30 երկրներից, 103 տեղական դիտորդներ եւ 80-ից ավել զանգվածային միջոցների ներկայացուցիչներ:
Կարդացեք նաև
Ամի ՉԻՉԱԿՅԱՆ
