Արցախում փետրվարի 20-ին կայանալիք սահմանադրական փոփոխությունների հանրաքվեի կապակցությամբ լրագրողների եւ դիտորդների հետ հանդիպման ժամանակ կենտրոնական հանձնաժողովի նախագահ Սրբուհի Արզումանյանից հետաքրքրվեցին, թե ապրիլյան պատերազմի ընթացքում տուժած Թալիշ գյուղի բնակիչները ինչպես են իրացնելու իրենց իրավունքները:
Սրբուհի Արզումանյանը պատասխանեց. «Թիվ մեկ հարցն էր` ապահովել ընտրական իրավունքի հնարավոր իրացումը, առավել եւս` թալիշցիներին: Դա կազմակերպելու ենք Լեռնային Ղարաբաղի Մարտակերտի շրջանում, Ալաշանի տեղամասում, որտեղ Թալիշ գյուղի մեծ մասն է կենտրոնացած: Ապահովվելու է նրանց մասնակցությունը նաեւԵրեւան քաղաքում՝ ԼՂՀ մշտական ներկայացուցչությունում»:
Մյուս հարցին, թե Ռուսաստանի եւ Իսրայելի քաղաքացի Ալեքսանդր Լապշինի գործը ազդե՞լ է իջազգային դիտորդների մասնակցության վրա, Սրբուհի Արզումանյանը պատասխանեց՝ ոչ, չի ազդել, գուցեեւ նպաստել է ակտիվությանը:
Ամի ՉԻՉԱԿՅԱՆ
Կարդացեք նաև
