ԵԿՄ համագումարի ավարտին այսօր լրագրողների հետ զրույցում ԵԿՄ նախագահ վերընտրված ԱԺ ՀՀԿ խմբակցության պատգամավոր, գեներալ-լեյտենանտ Մանվել Գրիգորյանն անդրադարձավ հարցին, թե ինչու համագումարին ներկա չէին Վերահսկիչ պալատի նախկին նախագահ Իշխան Զաքարյանն ու ԼՂՀ փոխվարչապետ Արթուր Աղաբեկյանը, որոնք չվերընտրվեցին ԵԿՄ վարչության կազմում:
Մանվել Գրիգորյանն ասաց, որ նրանց համապատասխան հրավեր ուղարկվել է. «Չցանկացան մասնակցել, շարունակությունն իրենցից հարցրեք…Ուզո՞ւմ ես՝ քո խաթր կանչեմ-բերեմ…»:
Անդրադառնալով պատգամավորներ Սեյրան Սարոյանի եւ Առաքել Մովսիսյանի՝ նույն ընտրատարածքում ընդգրկված լինելուն եւ իրար հետ հնարավոր մրցակցությանը՝ ԵԿՄ նախագահն ասաց. «Քուռակն էշից առաջ է ընկնում՝ գելերն ուտում են: Օրը կգա՝ կերեւա էլի…»:
Մանվել Գրիգորյանը նշեց, որ ՀՀԿ թեկնածուներից ոչ մեկի հնարավորությունները գնահատել չի ցանկանում. անգամ 17-րդ տեղում լինելով՝ իր «շանսը» չի ցանկանում գնահատել. «Նախագահն է որոշել, որ իմ անունը գրվի՝ գրվել է, երեխեքիս արեւ»:
Կարդացեք նաև
Լուիզա ՍՈՒՔԻԱՍՅԱՆ
