Բրիտանացի երաժիշտ, The Beatles խմբի նախկին անդամ Ջոն Լենոնի կլոր արևապաշտպան ակնոցը աճուրդում վաճառվել է 4500 դոլարով: Այս մասին հայտնում է ՏԱՍՍ-ը՝ վկայակոչելով Ryedale Auctioneers աճուրդի տան ներկայացուցիչ Անգուս Էշվորթին:
«Լոտի նկատմամբ հետաքրքրվածությունը մեծ է եղել: Այն ձեռք է բերել մասնավոր հնահավաք, որը գնումը կատարել է հեռախոսով»,- ասել է նա:
Խոսքը, մասնավորապես, այն ակնոցի մասին էր, որը Լենոնը 1970-ականներին զայրույթի պահին ջարդուխուրդ էր արել Լոնդոնում՝ իր հորեղբոր տանը տեղի ունեցած հեռախոսազրույցից հետո: Դրանից հետո երաժիշտը դեն էր նետել ակնոցը, բայց հորեղբայրը՝ Չարլի Լենոնը, հանել էր այն աղբարկղից:
Աճուրդում ներկայացված են եղել նաև Ջոն Լենոնի հետ կապված այլ լոտեր, օրինակ նրա կաշվե պիջակը և նրա կողմից արված լիտոգրաֆիան:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
