2017թ. փետրվարի 17-ին Ոստիկանությունից ստացվել են քաղաղացու հաղորդման հիման վրա նախապատրաստված նյութերն առ այն, որ 2017թ. փետրվարի 16-ին իր ընկեր Հ. Սիրադարյանը, և նրա հորաքրոջ որդին` Ա. Օսկանյանը, իրենից պահանջել են վերադարձնել պարտքի գումարը, որի ընթացքում իր կամքին հակառակ իրեն պահել են ավտոմեքենայի մեջ և թույլ չեն տվել դրանից դուրս գալ` առողջության համար վտանգավոր բռնություն գործադրելու սպառնալիքներ հնչեցնելով:
Նկատի ունենալով, որ նյութերը պարունակում են ՀՀ քրեական օրենսգրքի 133-րդ հոդվածի 2-րդ մասի 1-ին և 2-րդ կետերով նախատեսված հանցագործության հատկանիշներ` փետրվարի 17-ին ՀՀ քննչական կոմիտեի Կոտայքի մարզային քննչական վարչության Աբովյանի քննչական բաժնում հարուցվել է քրեական գործ:
Հաշվի առնելով քրեական գործի նկատմամբ հասարակական մեծ հետաքրքրությունը` տեղեկացնում ենք, որ քննությամբ ձեռք բերված նախնական տվյալներով փետրվարի 16-ին` ժամը 17:00-ի սահմաններում Երևան քաղաքի Լենինգրադյան փողոցի «Ռոբերտո» խանութ-սրահի հարակից հատվածից Ն.Բերբերյանին նստեցրել են ավտոմեքենայի մեջ, գնացել Աբովյան քաղաք և նրա կամքին հակառակ և իր առողջության համար վտանգավոր բռնություն գործադրելու սպառնալիքներ հնչեցնելով՝ ապօրինաբար զրկել ազատ տեղաշարժվելու իրավունքից և պահանջել վերադարձնել 1.500.000 ՀՀ դրամ պարտքը:
Փետրվարի 17-ին Ա. Օսկանյանը և Հ. Սիրադարյանը ձերբակալվել են՝ ՀՀ քրեական օրենսգրքի ՀՀ քրեական օրենսգրքի 133-րդ հոդվածի 2-րդ մասի 1-ին և 2-րդ կետերով նախատեսված հանցավոր արաք կատարելու կասկածանքով: Վերջիններս հրաժարվել են ցուցմունք տալ:
Կարդացեք նաև
Ձեռնարկվում են անհրաժեշտ քննչական գործողություններ` դեպքի բոլոր հանգամանքների բազմակողմանի, օբյեկտիվ և լրիվ հետազոտումն ապահովելու, տուժողի մատնանշած հանգամանքներն ստուգելու ուղղությամբ:
Քննության արդյունքների մասին տեղեկույթ կտրամադրենք պարբերաբար:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժին
// Ընկերները բռնություն գործադրելու սպառնալիքներ տալու սպառնալիքներով իր կամքին հակառակ ընկերոջը պահել են ավտոյի մեջ, պահանջելով վերցրածը հետ տա՜լ … // – Բա՜հ, բահա՜ո, ծանրագույն, ծայրագույն, ահավորագույն, չլսված ու չտեսնված (հնարավոր?) հանցանք է կատարվել էս հալալ – զուլալ, արդարագույն, օրինակելի ու ընդօրինակելի երկրի մեջ! Դրա հերն էլ դեպուտատ է ուզում ընտրվի՜ (կամ՝ որ ավելի շուտ ընտրվի – ինչ իմանաս?) Տաղանդների ու տաղանդավորներների պակաս չունենք, աստված դրանից բոլ – բոլ տվել ա էս բախտավոր ազգին…
Մի այլ թերթում գրել են՝
« Արմեն Մարտիրոսյանն ասում է, որ «1,5 միլիոն դրամի համար Վարդան Օսկանյանի որդին մարդ չէր առևանգի »։ »
այսինք, նա կարող է որ մարդ առևանգի,
եթէ աւելի մեծ գումար լինի
lol