Այն, որ խորհրդարանական մրցապայքար են մտել բազմաթիվ հեղինակություններ, օլիգարխներ, մականունավորներ, գործին խառնվել են «թաղի տղերքը», ըստ «Հայկական վերածնունդ» կուսակցության ցուցակի երկրորդ հորիզոնականը զբաղեցնող Մհեր Շահգելդյանի, կարող է խնդիրներ ստեղծել քարոզչական, նախընտրական, ընտրական եւ հետընտրական գործընթացներում:
Այսօր «Սպուտնիկ Արմենիա» մամուլի ակումբում, լրագրողների հետ հանդիպման ժամանակ, անդրադառնալով ներկայիս խորհրդարանի ներկապնակին, Մհեր Շահգելդյանն ասաց, որ քրեաօլիգարխիկ տարրերի ներկայությունն էր պատճառը, որ 131 պատգամավորներից 55-ը ընդհանրապես խորհրդարանում չեն խոսել, նաեւ այն, որ կարևոր սոցիալական օրինագծերը, որոնց հեղինակն էր «Օրինաց երկիր» խմբակցությունը, չանցան:
«Հայկական վերածնունդ» կուսակցությունն, ինչպես հայտնի է, միայնակ է մասնակցելու խորհրդարանական ընտրություններին, քանի որ չեն վստահում նախընտրական դաշինքներին: Այս անգամ, ՀՎԿ-ին նաեւ ետ է պահել այն իրողությունը, որ նախընտրական դաշինքներում ներգրավված կուսակցությունները ընդհանուր ռազմավարական ծրագրեր ու գաղափարախոսություն չունեն:
Մհեր Շահգելդյանը չբացառեց, որ ընտրություններից հետո իրենք որոշեն դաշինք կազմել այլ ուժերի հետ: Այս դեպքում, ըստ նրա, «Հայկական վերածնունդ» կուսակցությունն ինքը կարող է լինել դաշինքի առանցք. «Հայկական վերածնունդը» կարող է գնալ դաշինքի միայն այն դեպքում, եթե մենք ունենանք քաղաքական որոշումների վրա ազդելու իրական հնարավորություն»:
Կարդացեք նաև
ՀՎԿ-ում վստահ են, որ հանրությունը իր վստահությունը կտա իրենց:
