ՀԱԿ դաշինքի ցուցակը ԿԸՀ բերեց Արմեն Խաչատրյանը: Նա ասաց, որ ամբողջական ցուցակը կազմված է 142 հոգուց:
Կոմունիստական կուսակցություն էլ բերեց իր ցուցակը՝ հայտարարելով, որ գնում են միանշանակ հաղթանակի ակնկալիքով՝ «Մինիմում 5 տոկոս վերցնելու ակնկալիքով»: Ցուցակը գլխավորում է Տաճատ Սարգսյանը, իսկ ցուցակը կազմված է 170 հոգուց:
Կարդացեք նաև
Լրագրողները զարմացան՝ այդքան կոմունիստ կա՞ ՀՀ-ում՝ Կոմկուսի ներկայացուցիչը՝ նախագահի տեղակալը՝ Գեղամ Գալստյանը վստահեցրեց, որ այո. «Առաջադիմականը միավորվել է մայր կուսակցության հետ: Մեր երկրում առաջին անգամ պառլամենտական պետություն ենք կառուցում, մենք անպայման ուզում ենք ունենանք մեր ֆրակցիան: Իհարկե, կհաղթենք, մենք երկիր ենք կառուցելու, աղջիկ ջան: Հասարակ աղքատ պետություն մենք սարքել ենք ծաղկուն մի երկիր, հրամցրեցինք ժողովրդավար Լեւոն Տեր-Պետրոսյանին ու իր արհեստավարժ տղաներին, որոնք հետագայում դարձան Ալի բաբան եւ 40 ավազակները, քանդեցին մեր ծաղկուն երկիրը»:
Գեղամ Գալստյանը վստահեցրեց, որ միայն իրենք կարող են ցրել ժողովրդի գլխին կուտակված թանձր մառախուղը:
Մանրամասները՝ տեսանյութում
Հռիփսիմե ՋԵԲԵՋԿՅԱՆ
