«Ծաղիկները գեղեցկության եւ հաղթանակի խորհրդանիշ են»,- ահա այս բացատրությամբ «Ազատ դեմոկրատներ» կուսակցությունը բերեց իրենց ցուցակը ԿԸՀ ծաղկեփնջով:
Կուսակցության փոխնախագահ Անժելա Խաչատրյանն ասաց, որ իրենց կարգախոսն է՝ «Մենք կարող ենք»: Իսկ թե ինչ են կարող, նա այսպես պատասխանեց. «Կարող ենք փոխել երկրում տիրող իրավիճակը, կարող ենք պայքարել կոռուպցիայի դեմ, կարող ենք երաշխավորել ՀՀ ինքնիշխանությունը, կարող ենք հաղթել՝ մեր քաղաքացիների հետ միասին»:
Ցուցակը ամբողջական կազմված է 101 անձից, ցուցակը գլխավորում է Խաչատուր Քոքոբելյանը, երկրորդ հորիզոնականում՝ Հրանտ Բագրատյանը: 3-րդ տեղում է Ստյոպա Սաֆարյանը, 4-րդ տեղում՝ Անահիտ Բախշյանը, 5-րդում՝ Մասիս Այվազյանը, 6-րդը՝ Անժելա Խաչատրյանը, 7-րդը՝ Արմեն Առաքելյանը, 8-րդը կուսակցության մամուլի խոսնակ Սոնա Մինասյանը, 9-րդը Նարեկ Այվազյանը՝ հայտնի ակտիվիստը, 10-րդը՝ Գագիկ Բաղդասարյանը:
Կարդացեք նաև
Մենք հրապարակում ենք «Ազատ դեմոկրատների» ցուցակի 50 տեղերը:
Մանրամասները՝ տեսանյութում
Հռիփսիմե ՋԵԲԵՋՅԱՆ
