Այս պահին Գագիկ Ծառուկյանը Մոսկվա կինոթատրոնում հանդիպում է իր դաշինքի անդամների հետ: Հանդիպումը փակ է եւ միայն «Կենտրոնին» են թույլ տալիս նկարահանել: Մեզ տառացիորեն դուրս արեցին դահլիճից՝ թեւերից բռնած՝ ասելով, թե հանդիպումը փակ է, թույլ չեն տալիս նկարել:
Ծառուկյանին դիմավորեցին ծափերով: Նրան սպասում էին ԲՀԿ անդամները, Իշխան Զաքարյանը, իսկ Հովիկ Աբրահամյանի բարեկամները, մասնավորապես Կարինե Պողոսյանը, Արգամ Աբրահամյանը Ծառուկյանից շատ ավելի շուտ էին եկել եւ նրան սպասում էին դահլիճում:
Արգամ Աբրահամյանը լրագրողների հետ զրույցում ասաց, որ ինքն առաջադրվելու է Արարատի մարզում ռեյտինգայինով եւ այդ մասին շուտով կանի հայտարարություն:
Կարդացեք նաև
Գագիկ Ծառուկյանը լրագրողների հարցերին չպատասխանեց, նա միայն ասաց, որ երբ իրենց ցուցակը հրապարակվի, այն ժամանակ էլ ամեն ինչ կիմանանք:
Հռիփսիմե ՋԵԲԵՋՅԱՆ
