Ադրբեջանից բռնաճնշումների հետեւանքով ընտանիքով փախած թալիշ լրագրող Շահին Միրզոեւի՝ ՀՀ-ում ապաստանելու փաստի առնչությամբ «Թալիշական ազգային շարժման» առաջնորդների գնահատականը դրական է: Այս մասին Aravot.am-ի հետ զրույցում ասաց իրանագետ Վարդան Ոսկանյանը: Նա նկատեց, որ Ադրբեջանում բնակվող որոշ թալիշներ իրենց հերթին հանդես են եկել դատապարտող հայտարարություններով. «Դա բնական է, որովհետեւ Ադրբեջանի բռնապետական վարչակարգի իրականացրած ճնշումների արդյունքում այլ բան սպասել չէր կարելի: Այդ մարդիկ ունեն դիրքորոշում, բայց ստիպված եղան այլ կերպ արտահայտվել»:
Մեր զրուցակիցը կարծում է, որ ՀՀ-ի՝ թալիշ գործչին ապաստան տրամադրելը մարդասիրական քայլ է, որը մեր երկրին բարձրացնում է դեպի համամարդկային արժեքներ կրողի մակարդակ: «Բացի այդ, Ադրբեջանի տեղաբնիկները մինչ այս էլ ՀՀ-ին դիտարկում էին որպես կարեւոր երկիր, իսկ հիմա ՀՀ-ի հանդեպ նրանց վստահությունը մի քանի անգամ մեծացել է»,-հավելեց Վարդան Ոսկանյանը:
Նշենք, որ Շահին Միրզոեւը եւս ընդգծում է ալիեւյան բռնապետական ռեժիմի ազդեցությունը ոչ միայն որոշ թալիշ գործիչների, այլեւ իր իսկ հարազատների վրա: Մասնավորապես, Միրզոեւի 92-ամյա հորը, որը մնացել է Ադրբեջանում, ստիպել են ասել, թե հրաժարվում է իր որդուց:
Այլ մանրամասները ՝ տեսանյութում
Կարդացեք նաև
Լուիզա ՍՈՒՔԻԱՍՅԱՆ
