Կառավարությունը մրցույթ կհայտարարի կենսաչափական անձնագրեր տպելու համար

Կենսաչափական անձնագրերի եւ նույնականացման քարտերի տպագրությունը կառավարությունը մտադիր է վերսկսել, ինչի համար էլ մրցույթ կհայտարարի:

Այս մասին տեղեկանում ենք կառավարության փետրվարի 16-ի նիստի օրակարգից:

Կառավարությանն առաջարկվում է՝ «Հաստատել Հայաստանում կենսաչափական անձնագրերի եւ նույնականացման քարտերի թողարկման, արդիականացված հանրային հավաստագրերի ենթակառուցվածքի ավտոմատացված համակարգի ներդրման, սպասարկման եւ փոխանցման նպատակով կոնցեսիայի պայմանագիր կնքելու իրավունք շնորհելու համար մրցույթի անցկացման կարգը»:

Ըստ որոշման նախագծի, նաեւ նախատեսվում է ստեղծել  մրցութային հանձնաժողով, որի կազմը պետք է հաստատի կառավարության աշխատակազմի ղեկավար-նախարար Դավիթ Հարությունյանը:

Կարդացեք նաև

«ԼՂ բնակիչներին նույնականացման քարտեր չպետք է տրվեին, սակայն տրվել են, հիմա չենք կարող այդքան մարդու համար խնդիր առաջացնել»․ Արմեն Ղազարյան

• 15:39 29.11.2024

Մեկնարկել է կենսաչափական անձնագրերի և նույնականացման քարտերի տրամադրման նոր համակարգ ներդնելու նպատակով հայտատուների ընտրության փուլը

• 22:11 05.01.2024

«Ձեր դաշինքի առաջնորդի խնամին Թումանյան համայնքում 10 գյուղի ճանապարհի տենդերը շահել է ու չի անում աշխատանքը». Վահագն Ալեքսանյանը՝ Գեղամ Մանուկյանին

• 16:03 06.11.2023

Հիշեցնենք, որ քաղաքացիներին կենսաչափական անձնագրերի տրամադրումը դադարեցվել էր անցյալ տարվա հունիսից, պատճառն, ըստ ոստիկանության, լեհական «PWPW S.A.» ընկերության տպագրած անձնագրերի խմբաքանակը սպառվել էր, եւ նոր պայմանագիր կնքելու անհրաժեշտություն կար:

Հիշեցնենք նաեւ, լեհական այս ընկերության հետ կառավարությունը  2011-ին 5 տարով էր պայմանագիր կնքել, եւ պայմանագրի ժամկետը լրանալուց հետո լեհական այդ ընկերության պայմանագիրը չի երկարացվել:

Նելլի ԲԱԲԱՅԱՆ