ՀՅԴ ցուցակի 2-րդ տեղը զբաղեցնող խմբակցության քարտուղար Աղվան Վարդանյանը դեռ նախորդ խորհրդարանական ընտրություններում Ջրվեժում քարոզարշավի ժամանակ երիտասարդներին, ընտրողներին ասում էր, որ բոլորի պապերը, նախահայրերը դաշնակ են եղել. «Բայց մոռանում են պապերին, գնում են չգիտեմ ում են ձեն տալիս, շան տղերքին են քվեարկում»:
Այսօր Aravot.am-ը պարոն Վարդանյանից հետաքրքրվեց՝ ի՞նչ եք ակնկալում այս ընտրություններից, էլի կմոռանա՞ն, որ իրենց պապերը դաշնակցական են եղել եւ ձայնը կտան շան տղերքի՞ն, թե՞ կտան ՀՅԴ-ին: Նա պատասխանեց. «Ես իսկապես մեծ հույս ունեմ, որ մեր երկրում որակ է փոխվում, մարդկային տեսակի որակ է փոխվում: Մենք ունենք արդեն հարյուր հազարավոր երիտասարդություն, որոնք անկախության ժամանակ են ծնվել եւ որոնք շատ ավելի ազատ են, շատ ավելի ժամանակակից են, շատ ավելի զարգացած են եւ կաշկանդումներ չունեն:
Ես հույս ունեմ, որ այսօրվա մարդիկ են լինելու մեր վաղվա օրը եւ նրանց մեջ այն շերտը, որն իսկապես մտածող է, մտահոգ է, ազնիվ է, ուզում է այս երկրում ապրել, ուզում է փոփոխություն գնալ, կանգնելու է Դաշնակցության կողքը:
Մեր ցանկը եթե տեսնեք, երիտասարդները բազմաթիվ են, երբեք չի լինում 100 տոկոս: Մենք պետք է այսօր լավատեսություն ներշնչենք, հոռետեսությունը, ամեն ինչ ոչնչացնելը, ջնջելը որեւէ տեղ չի տանելու՝ բամբասելը, հայհոյելը, պատերի տակ խոսելը: Աշխատանք է պետք անել: Իսկ այս երիտասարդները, ես վստահ եմ, հենց Դաշնակցության արժեքներն է իր մեջ կրում՝ նաեւ երիտասարդ լինելով: Որ մասը, պապերը դաշնակցական էին՝ կգնան, որ մասը չեն գնա՝ սա եւս կարեւոր է: Մարդը ի վերջո պարտք ունի, մարդն անհատ է, ունի կենսագրություն:
Կարդացեք նաև
Ինքը նաեւ նայում է իր նախորդներն ինչ են արել, իր շարունակությունն ինչպիսին պիտի լինի: Այո, հազարավոր մարդիկ գալիս ասում են՝ իմ պապը, իմ հայրը դաշնակցական է եղել: Ուրիշ գործոններ ազդո՞ւմ են իր վրա՝ ընտրակաշառք, վարչական ռեսուրս, լծակներ, ազդում են: Բայց մարդը քվեախցիկում մենակ է եւ ինքը պարտք ունի նաեւ իր նախորդների առաջ»:
Մենք ճշտեցինք՝ շան տղերք ասելով դուք ո՞ւմ նկատի ունեիք՝ Աղվան Վարդանյանը պատասխանեց. «Բացի Դաշնակցությունից՝ բոլորին»:
Հռիփսիմե ՋԵԲԵՋՅԱՆ
Այս մարդը պատասխան չի տվել իր սխալների համար, որի պատճառով էքլ այսպես խոսում է; Նրանց թվում է, թե մարդիկ մոռանում են այդ ամենի մասին:
Այս մարդը պատասխան չի տվել իր սխալների համար, որի պատճառով էլ այսպես խոսում է: Նրանց թվում է, թե մարդիկ մոռանում են այդ ամենի մասին: