ԱՄՆ դիվանագիտության համար Արցախի հարցն առաջնահերթություն չէ, Ֆրանսիայի համար եւս»,-«Ստեփանակերտի շրջափակման ճեղքումը. 25 տարի անց» թեմայով միջազգային կոնֆերանսի ժամանակ այսօր ասաց ռուսաստանցի քաղաքագետ Սերգեյ Մարկեդոնովը:
Նա մատնանշեց, որ Արցախյան հակամարտությունը ՌԴ-ի համար եւս ամենաառաջնահերթ խնդիրը չէ. «Դա այն խնդիր չէ, որով ԵԱՀԿ համանախագահողները զբաղվելու են կտրուկ, եթե լինի, ասենք, էսկալացիա: Պուտինը չէ, որ պետք է զբաղվի Արցախով, եւ ոչ էլ Թրամփը: Եվ պետք չէ դրա համար որեւէ մեկին մեղադրել: Դա նույնն է թե մեղադրես, ասենք, եղանակին»:
Ըստ Մարկեդոնովի՝ հանգամանքներ կան, որոնք թույլ չեն տալիս հակամարտության կտրուկ լուծումը. «Չմոռանանք, որ տարբեր երկրներ իրենց հետաքրքրություններն ունեն Ադրբեջանի հանդեպ»:
Սերգեյ Մարկեդոնովի բնորոշմամբ՝ Արցախի խնդրի շուրջ իրավիճակը բավական բարդ է:
Կարդացեք նաև
Լուիզա ՍՈՒՔԻԱՍՅԱՆ
