Լոս Անճելըսի հայ համայնքը ամերիկեան քաղաքական կեանքին այսքա՛ն կրքոտ մօտեցում երբեք չէր դրսեւորած: Հաւանաբար, մեր ընտանեկան շրջապատին մէջ ունեցած ենք ամերիկեան քաղաքականութեան վերաբերեալ վէճեր, երբեմն նոյնիսկ՝ բուռն հակաճառութիւններ, սակայն անոնց արձագանգը չէ՛ հասած միութենական միջավայր, չէ՛ ազդած կազմակերպական յարաբերութիւններուն վրայ:
Նախագահ Տանըլտ Թրամփի ընտրութիւնը նոր իրավիճակ մը ստեղծած է՝ ինչպէ՛ս երկրի ամբողջ տարածքին վրայ, նոյնպէ՛ս հայկական իրականութեան մէջ:
Սուր բանավէճերը, որոշ պարագաներու, մինչեւ իսկ անհանդուրժողութեան կը տանին եւ լարուած վիճակներ կը ստեղծեն մեր հասարակութեան մէջ:
Բնակա՛ն է, որ ամբողջ երկիրը կը տագնապի այս օրերուն, եւ մենք չենք կրնար մեկուսանալ այդ իրականութենէն: Զանգուածային լրատուական միջոցները այս օրերուն իրենց վրայ գամած են հանրութեան ուշադրութիւնը. հակադիր ճակատներու մեկնաբանները խուլերու խօսակցութիւններով պէտք է զզուեցնէին բոլորս, բայց, կարծէք՝ ընդհակառա՛կը, տարուած եւ նոյնիսկ կախարդուած՝ հաւատարմօրէն կը շարունակենք մէկ կայանէն միւսը ցատկելով աւելի՛ գայթակղալի լրատուութիւն փնտռել՝ մեր համոզումներու հիմնաւորումով ոգեւորուելով եւ տարակարծիք եղողները բնովելով:
Կարդացեք նաև
ԱԲՕ ՊՈՂԻԿԵԱՆ
Նյութի մանրամասները կարդացեք «Ասպարեզ»–ի կայքում
