Պատկերացրեք՝ երեւանյան գրախանութներից մեկի տուրիստական գրքերի բաժնում կանգնած՝ փորձում եք ծայրահեղ սահմանափակ գրականության միջից գտնել ձեր սիրելի քաղաքի մասին որեւէ ուղեցույց, բայց փոխարենը գտնվում է սեփական տեսողությանը կասկածելու չափ անհավանական մի բան՝ ուղեցույց Բաքվի մասին: Մի քանի անգամ աչքերը փակել-բացելուց ու ուղեցույցը թերթելուց հետո պարզվում է` սխալմունք չկա. ամեն ինչ Ադրբեջանի մայրաքաղաքի մասին՝ ուր գնալ, ինչ անել, որտեղ գիշերել ու սնվել:
Տրամաբանական հարց է առաջանում՝ իսկ երեւանյան գրախանութում Բաքվի մասին ուղեցույցն ո՞ւմ համար է նախատեսված: Հաջորդ հարցը` Բաքվի որեւէ գրախանութում Երեւանի մասին նման ուղեցույց կգտնվի՞:
Այնուհանդերձ, Բաքվի մասին ուղեցույցի առկայությունը մեզ մոտ թույլ է տալիս երազել այլ իրականության մասին, որտեղ հարեւան մայրաքաղաքի մասին ուղեցույցը զարմանք կամ հակասական զգացողություններ չի առաջացնի:
Կարդացեք նաև
Լուսանկարները`
ԱՐՓԻ ԲԵՔԱՐՅԱՆԻ
«Առավոտ»
14,02.2017
