«Սասնա ծռեր» խմբի անդամ Հովհաննես Հարությունյանի մայրը` Լաուրա Հարությունյանը փետրվարի 14-ին մասնակցում էր ի պաշտպանություն «հաց բերողի»` Արթուր Սարգսյանի, կայացած երթին:
Նա նշեց, որ որդուն վերջին անգամ տեսել է հունվարի 19-ին` դատի օրը. «Դատավորը 5 րոպեով թույլատրել է տեսակցել որդուս հետ: Փաստաբանի հետ չեմ առնչվում, միայն բժշկի միջոցով եմ տեղեկություններ ստանում, գիտեմ, որ վիճակը գնալով կայունանում է, եւ այժմ ինքը Նուբարաշեն ՔԿՀ-ի հիվանդանոցային հարկում է:
Բժիշկն ասաց, որ դեղահաբերը խմում է, կարողանում է ինքնուրույն հագնվել»: «Սասնա ծռեր» խմբի անդամի մայրն ասաց, որ որդուն շատ է կարոտում, նաեւ հավելեց, թե կարոտը հիվանդություն է: Իր որդու պայմանների մասին էլ շեշտեց. «Նման տղային չպետք է տանեին 11 հոգանոց խցում պահեին, ինչ վերաբերում է վիրահատությանը, ոչինչ արված չի, բայց դատի օրը ոտքը նայել եմ, կարծես գույնը նորմալ էր»:
Գոհար ՀԱԿՈԲՅԱՆ
