Հայաստանի ու Ռուսաստանի ձեռնարկատերերն այժմ կարող են բնափայտ և այլ չմշակված անտառանյութ տեղափոխել Վերին Լարսի անցակետով: Նման բեռների տեղափոխումը թույլատրված է հունվարի 7-ից, ասվում է Եվրասիական տնտեսական հանձնաժողովի տարածած մամուլի հաղորդագրության մեջ:
Համապատասխան որոշումն ընդունվել է Ռուսաստանի կառավարության կողմից 2016թ. դեկտեմբերի 28-ին՝ Եվրասիական տնտեսական միության շրջանակում Հայաստանի հետ ձեռք բերված պայմանավորվածության արդյունքում: Կողմերը համաձայնության են եկել, որ հարցի լուծումը հատուկ կարևորություն ունի առևտրային հարաբերությունների համար՝ հաշվի առնելով այլընտրանքային ցամաքային ճանապարհների բացակայությունը:
Նախկինում Հայաստանի՝ ԵԱՏՄ երկրների հետ ընդհանուր սահմանի բացակայության և ազգային օրենսդրության մի շարք նորմերի պատճառով անտառանյութի և առանձին այլ ապրանքների տեղափոխումը Լարսի անցակետով թույլատրված չէր:
Սահմանափակումը հանված է առայժմ մեկ տարի ժամկետով:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
