«Ելք» դաշինքում դեռեւս չի քննարկվել հետընտրական համագործակցությունների մասին հարց: Այդ մասին այսօր լրագրողների հետ զրույցում ասաց «Լուսավոր Հայաստան» կուսակցության նախագահ Էդմոն Մարուքյանը: Իր կարծիքը հետեւյալն է. «Որևէ բան պետք չէ բացառել: Հայաստանն այնպիսի մարտահրավերների առաջ է կանգնած, այնպես, որ ինչ-որ բաներ բացառելը քաղաքական իմաստով այնքան էլ ճիշտ չի լինի»:
Ճշտող հարցին` Վարդան Օսկանյանի կամ Գագիկ Ծառուկյանի հետ համագործակցության եզր տեսնո՞ւմ է, Էդմոն Մարուքյանը պատասխանեց. «Ես չեմ կարծում, որ դրա հնարավորությունը լինելու է իրենց մասով: Այդ երկու ուժերի հետ կապված ես չեմ լսել որևէ ընդդիմադիր ելույթ»:
Նա կարևոր է համարում, որ հետընտրական համագործակցությունների շրջանում ուժերի համար կարեւոր համարվի «մարտի 1-ի» եւ այլ ողբերգությունների բացահայտումը: Միևնույն ժամանակ, տարակուսած է` 2008 թվականի դեպքերը բացահայտելու մասին են խոսում մարդիկ, որոնք անմիջական մասնակցություն են ունեցել կազմակերպման գործում:
Լրագրողի դիտարկմանը` նկատի ունեք Սեյրան Օհանյանին, Մարուքյանը պատասխանեց. «Այո, Սեյրան Օհանյանը եղել է գլխավոր շտաբի պետի պաշտոնում, և մարդը ասում ա` գնանք, բացահայտենք «մարտի 1-ը»: Մի քիչ էլ անցնի, կարող ա ասի` ազատություն քաղբանտարկյալներին»:
Կարդացեք նաև
Մանրամասները` տեսանյութում
Նելլի ԳՐԻԳՈՐՅԱՆ
