«Թրանսփարենսի Ինթերնեշնլ» հակակոռուպցիոն կենտրոնի ընտրական ծրագրերի համակարգող Արմեն Գրիգորյանը կարծում է, որ փետրվարի 20-ին ԼՂՀ-ում կայանալիք սահմանադրական փոփոխությունների հանրաքվեի նպատակը իշխանության վերարտադրությունն է:
«Դա մարտահրավեր է: ԼՂՀ իշխանությունը փոխանակ պատրաստվի պատերազմը կանխարգելելուն, գնում է այլ տարբերակով՝ փորձում է վերարտադրությունն ապահովող մոդել ստեղծել»,-այսօր «Նոյյան տապան» լրատվական կենտրոնում լրագրողների հետ հանդիպմանն ասաց նա:
Արմեն Գրիգորյանը նկատեց՝ նոր Սահմանադրության ընդունման դեպքում ԼՂՀ ԱԺ-ն է ընտրելու նախագահին. «Այս տարի նախագահ Բակո Սահակյանի լիազորություններն ավարտվում են, դրանից հետո կարծում եմ՝ թեկնածուն կրկին կլինի Բակո Սահակյանը: Նա մինչեւ 2020թ. կլինի անցումային շրջանի նախագահ: Դրանից հետո նոր Սահմանադրությունը չի սահմանափակելու նրա առաջադրվելու հնարավորությունը»:
Ըստ Գրիգորյանի՝ միջազգային փորձը ցույց է տալիս, որ որքան անձը երկար ժամանակ է լինում «իշխանության գլուխ», այնքան մեծանում է «արաբական գարնան» տեղի ունենալու հավանականությունը:
Կարդացեք նաև
Այլ մանրամասները քիչ ուշ՝ տեսանյութում:
Լուիզա ՍՈՒՔԻԱՍՅԱՆ
