«Ես հաջողած մարդ եմ, որտեղ էլ լինեմ` դաշինքը հաղթելու է»,- այսօր հայտարարեց «Լուսավոր Հայաստան» կուսակցության նախագահ Էդմոն Մարուքյանը: Այսօր «Ելք»-ն ընտրում է իր ցուցակի առաջին թեկնածուներին:
«Ելք» դաշինքը ստեղծվել է «Լուսավոր Հայաստան», «Քաղաքացիական պայմանագիր», «Հանրապետություն» կուսակցությունների համատեղ հուշագրի հիման վրա: Թեկնածուներն են Նիկոլ Փաշինյանը, Արամ Սարգսյանը եւ Էդմոն Մարուքյանը: Դաշինքում ընդգրկված կուսակցությունների վարչության անդամները քվեարկելու են այն թեկնածուի օգտին, որոնց կցանկանան տեսնել առաջին, երկրորդ կամ երրորդ տեղում:
«Քաղաքացիական պայմանագիր» կուսակցության նախագահ Նիկոլ Փաշինյանն էլ խոսեց դաշինքում առողջ մթնոլորտի մասին: Իսկ «Հանրապետություն» կուսակցության նախագահ Արամ Սարգսյանը հայտարարեց, որ դեռ չի կողմնորոշվել, թե ո՞ւմ է տեսնում ցուցակի առաջին համարում եւ իր գործընկերներից ո՞ւմ օգտին պետք է քվեարկի:
Կարդացեք նաև
Այլ մանրամասները` տեսանյութում
Այս պահին դեռ քվեարկություն է ընթանում, «Ելք»-ի առաջին եռյակը հայտնի կդառնա քիչ ուշ:
Նելլի ԳՐԻԳՈՐՅԱՆ
