ԱՄՆ Կալիֆորնիա նահանգի Լոս Անջելես քաղաքում տեղի է ունեցել «Գրեմմի» երաժշտական մրցանակաբաշխության 59-րդ հանդիսավոր արարողությունը, որն ուղիղ հեռարձակել է CBS հեռուստաալիքը:
Մրցանակաբաշխության գլխավոր անվանակարգերից մեկում՝ «լավագույն նոր կատարող», արձանիկ է ստացել ամերիկացի հիփ-հոփ կատարող Chance the Rapper-ը: Նույն անվանակարգում նրա հետ մրցում էին քանթրի-երգչուհիեր Մարեն Մորիսը և Քեթսի Բալերինին, The Chainsmokers դիջեյ-դուետը և Անդերսոն Փաքը:
«Լավագույն երաժշտական հոլովակի» անվանակարգում մրցանակ է ստացել ամերիկացի երգչուհի Բեյոնսեն իր Formation երգի համար: Նույն անվանակարգում նրանից բացի ներկայացված էին Լեոն Բրիջեսը և Ջեյմի Էքս-Էքսը, Coldplay-ը և OK Go-ն:
Տարվա երգ է ճանաչվել բրիտանացի երգչուհի Ադելի Hello երգը՝ շրջանցելով Բեյոնսեի Formation-ը, Ջասթին Բիբերի Love Yourself-ը, Լուկաս Գրահամի 7 Years-ը և Մայք Պոզների Took a A Pill in Ibiza-ն:
Կարդացեք նաև
Ադելի «25» ալբոմը մրցանակ է ստացել նաև տարվա լավագույն փոփ սկավառակ անվանակարգում: Նույն անվանակարգում նրա հետ մրցակցում էին կանադացի Ջասթին Բիբերը (Purpose), ավստրալացի երգչուհի Sia-ն (This Is Acting), ամերիկացի Արիանա Գրանդեն (Dangerous Woman) և Դեմի Լովատոն (Confident):
Բացի այդ, Ադելը մրցանակ է ստացել նաև Hello երգի «Լավագույն սոլո փոփ կատարման» համար՝ շրջանցելով Բեյոնսեին (Hold Up), Ջասթին Բիբերին (Love Yourself), ԱՄՆ ներկայացուցիչներ Քելլի Քլարքսոնին (Piece by Piece) և Արիանա Գրանդեին (Dangerous Woman):
«Լավագույն ալտերնատիվ ալբոմ» անվանակարգում հաղթել է 2016թ. հունվարին մահացած բրիտանացի երաժիշտ Դեյվիդ Բոուիի Blackstar ալբոմը: Մրցանակի համար պայքարում էին Radiohead-ը (A Moon Shaped Pool), Իգգի Փոփը (Post Pop Depression), Փի Ջեյ Հարվին (The Hope Six Demolition Project) և Bon Iver խումբը (22, A Million):
Բացի այդ Բոուիին «Գրեմմի» է շնորհվել «լավագույն ռոք կատարում» անվանակարգում Blackstar երգի համար:
Լավագույն մետալ կատարող» անվանակարգում մրցանակը բաժին է ընկել ամերիկյան Megadeth խմբին՝ Dystopia կատարումով: Լավագույն ռոք ալբոմը ամերիկյան Cage the Elephant խմբի Tell Me I’m Pretty-ն է:
Պատրաստեց՝ Վիկտորյա ԱՆԴՐԵԱՍՅԱՆԸ
