Շախմատի Հայաստանի կանանց ազգային հավաքականի առաջատարներ Էլինա Դանիելյանի եւ Լիլիթ Մկրտչյանի համար Թեհրանում մեկնարկած կանանց աշխարհի անհատական առաջնությունում խաղատախտակի առջեւ գլխաշոր կրելն այնքան էլ հարմարավետ չէ: Դա խանգարում է ամբողջ կարողությամբ խաղալուն: Այս մասին մեկնարկային տուրի առաջին պարտիայից հետո մեզ ասաց Էլինան:
Իսլամի օրենքով հասարակական վայրերում կանանց հիջաբ կրելը պարտադիր է: Դրա համար գենդերային հավասարության կողմնակից աշխարհի առաջատար մի շարք շախմատիստուհիներ հրաժարվել են մեկնել Իրան:
Էլինա Դանիելյանն ու Լիլիթ Մկրտչյանը 1/32 եզրափակչի երկու պարտիաներից առաջինում ոչ-ոքի են արել: Այսօր նրանք նույն մրցակիցների հետ հանդիպելու են երկրորդ անգամ:
Աշոտ ՀԱԿՈԲՅԱՆ
Կարդացեք նաև
