«Ժողովրդավարական Հայրենիք» կուսակցությունը խստագույնս դատապարտում է վարչախմբի կողմից փետրվարի 9-ին «Սասնա Ծռերի» գործով` Արթուր Սարգսյանին /Հաց բերող/ վերստին «դատարանի» վճռով խափանման միջոցը փոխելու` կալանավորելու որոշման առթիվ:
Արթուր Սարգսյանը լուրջ առողջական խնդիրներ ունի, և ինչը ստիպեց վարչախմբին գնալ այդ ծայրահեղ որոշմանը: Գաղտնիք չէ, որ Արթուրը հուլիսին իր անձնազոհ քայլով Հայ ժողովրդին ցույց տվեց մարդկային բարոյական այն արժեհամակարգը, ինչը վարչախումբը տասնամյակներ շարունակ փորձում է խեղդել և ժողովրդին դարձնել դիմազուրկ հոտի:
Արթուրը, ազատության մեջ լինելով և հասարակության լայն զանգվածների սերը ու համակրանքը ունենալով, հնարավոր է՝ սպասվող ԱԺ ընտրությունների բեմականացման ժամանակ նրա խոսքը լսելի լիներ հանրությանը, ինչը բնականաբար չի տեղավորվում վարչախմբի վերարտադրման ծրագրերում:
«Ժողովրդավարական Հայրենիք» կուսակցությունը դիմում է բոլորին իրենց ձայնը բարձրացնել ի պաշտպանություն Արթուրի և դատապարտել վարչախմբին և նրա սպասարկող այսպես կոչված դատաիրավական համակարգին, որոնք կայացրեցին այն որոշումը, ինչը հավասարազոր է Բելառուսի <<դատարանի>> Լապշինի նկատմամբ կայացրած որոշմանը:
«Ժողովրդավարական Հայրենիք»
կուսակցության
«հասարակության լայն զանգվածների սերը ու համակրանքը ունենալով»
ինչի՞ վրա է հիմնված այս հաստատումը
ասենք որ, Համացանցի վրա, 50 000 անձեր ծափահարած են իրեն
Հայությունը 8 000 000 է…
իսկ քանի՞ հոգի տեսնում ենք որ, մարմնապէս, փողոցում կանգնած – համայն աշխարհի տարածքին – ցոյց են կատարում ի նպաստ իրեն
«լայն զանգվածներ»…?!!
փֆֆֆֆֆ՜