Գործնական պարապմունք` Քրեակատարողական ծառայությունում

Այսօր Քրեակատարողական ծառայությունում տեղի ունեցավ գործնական պարապմունք, որին մասնակցում էին ՀՀ ԱՆ քրեակատարողական վարչության և հիմնարկների օպերատիվ բաժինների և ՀՀ ոստիկանության կազմակերպված հանցավորության դեմ պայքարի գլխավոր վարչության թմրամիջոցների ապօրինի շրջանառության դեմ պայքարի վարչության աշխատակիցները:

Փորձի փոխանակման շրջանակներում ԹԱՇԴՊ վարչության մասնագետները ներկայացրին թմրամիջոցների ապօրինի շրջանառության դեմ պայքարի առանձնահատկությունները, այդ թվում նաև ֆոտոլուսանկարների կադրային ցուցադրության միջոցով:

ՀՀ ԱՆ «Դատապարտյալների հիվանդանոց» ՔԿՀ-ի նարկոլոգիական բաժանմունքի պետ Ս. Նազինյանն իր հերթին անդրադարձավ հոգեներգործուն նյութերի դասակարգման, կախվածության համախտանիշի, հիվանդների հարկադիր բուժման, ինչպես նաև դրա էֆեկտիվության խնդիրներին:

Կողմերի միջև ձեռք բերվեց համագործակցությունը ընդլայնելու և շարունակական դարձնելու պայմանավորվածություն:

ՀՀ ԱՆ ՔԿՎ հանրային կապերի բաժին