Ռուսական ավիացիայի հասցրած հարվածներից Սիրիայի էլ-Բաբ քաղաքի մոտ զոհվել է 2, վիրավորվել՝ 11 թուրք զինվորական: Այս մասին հաղորդում է «ՌԻԱ Նովոստին»՝ վկայակոչելով Թուրքիայի Գլխավոր շտաբը:
Նշվում է, որ ռուսական օդանավերը «Իսլամական պետությանը» հարված հասցնելիս պատահաբար խոցել են այն շինությունը, որտեղ եղել են «Եփրատի վահան» գործողությանը մասնակցող թուրք զինծառայողները:
Հաղորդվում է, որ Մոսկվան ու Անկարան համատեղ քննություն են վարում միջադեպի կապակցությամբ: Դեպքից հետո Ռուսաստանի և Թուրքիայի գլխավոր շտաբերի պետերը պայմանավորվել են ավելի սերտ աշխատել՝ գործողությունները համակարգելու ուղղությամբ:
Բացի այդ, Ռուսաստանի նախագահ Վլադիմիր Պուտինը հեռախոսով ցավակցություն է հայտնել Թուրքիայի նախագահ Ռեջեփ Թայիփ Էրդողանին:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
