Փետրվարի 7-ին Մինսկից Բաքու արտահանձնված Ռուսաստանի և Իսրայելի քաղաքացիություն ունեցող բլոգեր Ալեքսանդր Լապշինի պաշտպանությամբ չի կարող զբաղվել արտասահմանից հրավիրված փաստաբան: Այս մասին Trend գործակալությանն ասել է Լապշինի պաշտպան Սաֆար Հուսյենովը, որն այսօր տեսակցել է իր պաշտպանյալի հետ:
«Ըստ գործող օրենսդրության՝ նրան կարող են պաշտպանել փաստաբաններ միայն Ադրբեջանից, իսկ այլ քաղաքացիություն ունեցող փաստաբանները նման իրավունք չունեն»,- ասել է Հուսեյնովը:
Հուսյենովը նաև հավելել է, որ Լապշինի դեմ քննությունը շարունակվում է: «Առայժմ քննություն է ընթանում, և դատավարության օրվա մասին խոսել բարդ է»,- ասել է նա:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
