«Մենք չենք ուզում դառնալ գաղթական», «CWC -ի աշխատակիցների աշխատավարձերի եւ տուժանքների մարում», «Գլաս ուորլդ քամփընի»-ի աշխատակիցները պաշտպանված չեն օրենքով» : Այսպիսի պաստառներով այսօր կառավարության շենքի մոտ բողոքի ցույց էին անում «Գլաս ուորլդ քամփընի»-ի նախկին աշխատակիցները: Նրանք պահանջում են իրենց աշխատավարձերն ու տուժանքները: Սակայն, հիշեցնենք, այս ընկերությունը սնանկ է ճանաչվել եւ պարտքային շատ պարտավորություններ ունի:
Գործարանը մոտ 2 տարի է չի աշխատում, մինչդեռ 2010 թվականին այն մեծ շուքով բացվեց, որին ներկա էր նախագահ Սերժ Սարգսյանը:
Բողոքի ցույցի մասնակիցներն Aravot.am-ի հետ զրույցում ասացին, որ 2 տարի է գործարանի տնօրինությունն իրենց խաբում է, թե կվճարեն պարտքերը.«Որոշներինը տվել են, սկզբում 180 մարդ կար, որ պիտի ստանար աշխատավարձը: 120-ին տվեցին, նրանցը մինչեւ 500 հազար դրամ էր: 60 աշխատողին էլ չեն տալիս, մերը 1-2 միլիոն դրամ պարտքերն են»: Ցուցարարների խոսքերով՝ վարչապետ Կարեն Կարապետյանը խոստացել էր՝ կառավարությունը գործարանի ԱԱՀ-ն վերադարձնելու է, որպեսզի պարտքերը վճարվեն.«Ո՞ւր է էդ խոստումն ու փողը»:
Մանրամասն՝ տեսանյութում
Նելլի ԲԱԲԱՅԱՆ
