«Ելք» դաշինքը պահանջում է ետ կանչել Բելառուսում ՀՀ դեսպանին և սառեցնել դիվանագիտական հարաբերությունները Բելառուսի հետ: Արցախ այցելած բլոգեր Ալեքսանդր Լապշինի արտահանձնման և նրա դեմ քրեական գործի հարուցման փաստի հետ կապված դաշինքը բողոքի ակցիա իրականացրեց ՀՀ-ում Բելառուսի դեսպանատան առաջ:
ԼՂՀ ներկայացուցչական խորհրդի խորհրդական Գառնիկ Իսագուլյանը
դեսպանատան առաջ լրագրողների հետ հանդիպմանը տարօրինակ համարեց այն, ինչ տեղի է ունենում. «Պահն է, որ կարողանանք այս ամենի մասին բարձրաձայնել: Բելառուսը ղարաբաղյան հակամարտության կարգավորման առումով միշտ բացասական դերակատարություն է ունեցել: Այս վերջինը, որ տեղի ունեցավ, վշտալի է հենց Բելառուսի համար: Չեմ կարծում, որ Բելառուսի ժողովուրդը բացասական տրամադրվածություն ունի հայ ժողովրդի և ազատագրական պայքարի նկատմամբ: Լուկաշենկոյի երկարատև կառավարումը բերել է մի վիճակի, երբ այժմ նրա համար այլ արժեքներ կան»: Նա կարևորեց, որ այս առիթով աշխարհի բոլոր բլոգերներն ակտիվանան, իսկ ՀՀ-ում այն մարդիկ, որոնք գործարար հարաբերություններ ունեն Լուկաշենկոյի հետ, վերանայեն դրանք:
«Ելք» դաշինքի անդամ Էդմոն Մարուքյանը հայտարարեց. «Ինձ մոտ այնպիսի տպավորություն է, որ Ադրբեջանն է ՀԱՊԿ, ԵՏՄ անդամ և ոչ Հայաստանը: Սա իզոլացման քաղաքականություն է : Այստեղ մեր ԱԳՆ-ն իր չդերակատարությամբ, լռությամբ դերակատարությունն ունի: Ինչով է զբաղվում ՀՀ դեսպանը Բելառուսում»:
Դաշինքը պահանջում է սառեցնել հարաբերությունները Բելառուսի հետ, մանավանդ նման նախադեպ կա Հունգարիայի պարագայում:
Կարդացեք նաև
«Ելք» դաշինքի անդամ Նիկոլ Փաշինյանը հայտարարեց, թե անհրաժեշտ է վերանայել՝ ինչքանով է ՀԱՊԿ անդամ լինելը ենթադրում գործընկերային հարաբերություններ:
Բելառուսի դեսպանատնից այդպես էլ որևէ մեկը չարձագանքեց, ներսից պատասխանեցին, թե իրավասու անձնավորություն այս պահին չկա:
«Ելք» դաշինքի անդամ Արամ Սարգսյանն էլ նշեց, թե երկու եզրահանգում է կատարել. «Միայն այն, որ Բելառուսն իր դեսպանատունը բերել կառուցել է Գագիկ Ծառուկյանի բախչի վերջին, դա Բելառուսի վերաբերմունքն է մեր երկրին: Ի վերջո, Լապշինը ՌԴ քաղաքացի է: Եթե ՌԴ-ն չի կարողանում պաշտպանել իր քաղաքացիների իրավունքը, ապա ոնց է Հայաստանի շահերն ու սահմանները պաշտպանելու:Այս հետևությունների հիման վրա ՀՀ ԱԳՆ-ն պետք է որոշում կայացնի»:
Տաթև ՀԱՐՈՒԹՅՈՒՆՅԱՆ
Իսկ ինչ էիք սպասում բռնապետ Լուկաշենկոյից?