2015թ հուլիսի 24-ին նախագահ Սերժ Սարգսյանը Բերդի տարածաշրջան աշխատանքային այցի ընթացքում մասնակցեց նորոգված Բերդի բժշկական կենտրոնի բացման արարողությանը: Համաշխարհային բանկի կողմից ֆինանսավորված վարկային ծրագրի շրջանակներում, «Առողջապահական համալիրի արդիականացում» ծրագրի երկրորդ փուլի շրջանակներում Բերդի ԲԿ-ում կատարվել է 940,2 միլիոն դրամի ներդրում, իրականացվել են Բերդի ԲԿ-ի պոլիկլինիկական երկհարկանի եւ ինֆեկցիոն մեկ հարկանի մասնաշենքերի վերակառուցման, ինչպես նաեւ կցակառույցի շինարարության աշխատանքներ:
Բերդի ԲԿ-ն հագեցել է բժշկական ժամանակակից տարբեր սարքավորումներով: 2 տարի առաջ արդիականացված ԲԿ-ում շարունակում է հիմնախնդիր մնալ բժիշկների պակասը:
Կենսաթոշակային տարիքի անցնելու պատճառով 2017թ. փետրվարի 1-ին Բերդի ԲԿ-ի տնօրենի պաշտոնից ազատված Արամ Հարությունյանն ասաց, որ բժշկական կադրերի պակասի, երիտասարդ բժիշկների Բերդ աշխատելու չգալու պատճառը Երեւանից Բերդի մեծ հեռավորությունն է, տարածքի վտանգավոր, գնդակոծության գոտի լինելը, բժիշկների ստացած ոչ մեծ եկամուտները:
Ա. Հարությունյանը հայտնեց, որ Բերդի ԲԿ-ում թափուր են բժիշկ-անզգայացնողի, հոգեբույժի, քիթ-կոկորդի բժշկի աշխատատեղերը: Բերդի բժշկական կենտրոնի վիրաբույժը, գինեկոլոգը, նեվրոպաթալոգը տարեց են, նրանց փոխարինելու կարիք կա: Բժշկական կենտրոնում բժիշկ է աշխատում, ով 80 տարեկան է:
Կարդացեք նաև
Ոսկան ՍԱՐԳՍՅԱՆ
