«Գործի քննությունից հետո տեղի կունենա դատական համապատասխան գործընթաց, եթե իհարկե մինչ այդ կողմերը չպայմանավորվեն փոխանակման վերաբերյալ»,-Aravot.am-ի հետ զրույցում, անդրադառնալով Թալիշի ուղղությամբ հայկական ուժերի կողմից ադրբեջանցի դիվերսանտ Էլնուր Հուսեյնզադեին գերեվարելու դեպքին, ասաց Razm.info մասնագիտացված կայքի համակարգող Կարեն Վրթանեսյանը:
Հիշեցնենք, որ Էլնուր Հուսեյնզադեն կալանավորվել է երկու ամսով: Ըստ Կարեն Վրթանեսյանի՝ Ադրբեջանում գերի պահվող զինծառայող Արսեն Բաղդասարյանի հետ փոխանակում գուցե եւ չլինի, թեեւ դա տարբերակներից մեկն է. «Դժվար է դա կանխատեսել, որովհետեւ Ադրբեջանի համար մարդկային գործոնն այնքան էլ կարեւոր չէ: Իրենք, օրինակ, շատ են ցանկանում փոխանակություն կատարել Քարվաճառի դիվերսանտների հետ, որոնք ծանր հանցագործություններ են իրագործել եւ դրա համար են դատարապարտվել»:
Հիշեցնենք, որ խոսքը ԼՂՀ տարածքում մի շարք ծանր հանցագործություններ կատարած եւ դրանց համար դատապարտված ադրբեջանական հետախուզական-դիվերսիոն խմբի անդամներ Դիլհամ Ասկերովի եւ Շահբազ Գուլիեւի մասին է:
Մեր զրուցակիցը կարծում է, որ հայկական կողմը Քարվաճառի դիվերսանտներին փոխանակելու քայլին չի գնա:
Մանրամասն՝ տեսանյութում:
Կարդացեք նաև
Լուիզա ՍՈՒՔԻԱՍՅԱՆ
