«Շատերը համացանցում գրում են լատինատառ հայերենով՝ ոչ թե այն պատճառով, որ սովոր են լատինատառին, այլ շատերի համար լատինատառ հայերենով հեշտ է սխալներ չանել»,-«Նովոստի-Արմենիա» մամուլի ակումբում այսօր փետրվարի 7-ը համացանցում հայատառ գրելու նախաձեռնության առնչությամբ ասաց տեղեկատվական անվտանգության փորձագետ Սամվել Մարտիրոսյանը:
Նրա բնորոշմամբ՝ լատինատառ հայերենը շատ սխալներ «ներում» է, այդ պատճառով շատ օգտատերեր գրում են լատինատառ հայերենով՝ լեզվական սխալներից խուսափելու համար. «Բացի այդ, հայերեն բովանդակությունը համացանցում քիչ է, ՀՀ-ում գիրք կարդում են շատ քիչ: Գրքի վաճառքի տեսանկյունից առաջատար չենք»:
Փորձագետը նկատեց՝ լատինատառ ստեղնաշարով ավելի հեշտ է տպել, բայց դպրոցում աշակերտներին պետք է սովորեցնեն տպել, որպեսզի հետագայում հայատառ գրելու խնդիրը եւս լուծվի. «Ինֆորմատիկայի դասերը պրակտիկայից շատ հեռու են եւ անհրաժեշտ հմտություններ չեն տալիս»:
Մանրամասն ՝ տեսանյութում
Կարդացեք նաև
Լուիզա ՍՈՒՔԻԱՍՅԱՆ
