«Զարկերակ» մամուլի ակումբում այսօր քաղաքագետ Սերգեյ Մինասյանն անդրադարձավ առաջիկայում Մյունխենում՝ ՌԴ, ՀՀ եւ Ադրբեջանի արտգործնախարարների հնարավոր հանդիպմանը՝ ընդգծելով, որ դրա կայացումը հարցականի տակ է: «Ադրբեջանը վերջիվերջո պետք է ընդունի շփման գծում մեխանիզմների ներդրման քայլերը»,-ասաց քաղաքագետը: Ըստ նրա՝ անգամ ձեւական բնույթի հանդիպումները կնպաստեն Արցախյան հակամարտության կարգավորման բանակցային գործընթացի շարունակականությանը, բայց բեկումնային չեն լինի՝ անգամ նշյալ տեխնիկական խնդիրների լուծման առումով:
Անդրադառնալով Մամեդյարով-Լավրով վերջին հանդիպմանը, որից հետո Մամեդյարովը հայտարարել էր ռուսաստանցի իր պաշտոնակցի հետ բանակցություններից դժգոհ լինելու մասին, Սերգեյ Մինասյանն ասաց. «Լավրովը, լինելով համանախագահ երկրի արտգործնախարար, ուշադրություն է դարձրել շփման գծում վերահսկողության մեխանիզմների ներդրման վրա, որից փորձում է խուսափել Ադրբեջանը»:
Ինչ վերաբերում է Լավրով-Մամեդյարով նախորդ հանդիպմանը(որի ժամանակ Մամեդյարովն ասել էր՝ եթե ՌԴ-ն ավելի շատ ջանք գործադրի, հնարավոր է ստատուս քվոյի փոփոխություն), ըստ քաղաքագետի. «Այն, ինչ պատկերացնում է Ադրբեջանը, միակողմանի զիջումներն են, որոնք տեղի չեն ունենա եւ կարող են լինել միայն համարժեք փոխզիջումների դեպքում»:
Մանրամասն ՝ տեսանյութում
Կարդացեք նաև
Լուիզա ՍՈՒՔԻԱՍՅԱՆ
