Կենտրոնական ընտրական հանձնաժողովն այսօրվանից սկսում է գրանցել խորհրդարանական ընտրություններին մասնակցելու հայտ ներկայացրած կուսակցություններին եւ դաշինքներին: Գրանցման վերջնաժամկետը փետրվարի 16-ին, ժամը 18:00-ին է: Հիշեցնենք, որ ըստ սահմանված ժամանակացույցի` ընտրողների նախնական ցուցակների հրապարակումը ընտրական կենտրոններում տեղի կունենա 2017թ. փետրվարի 21-ին, իսկ նախընտրական քարոզչության համար սահմանված ժամկետը 2017-ի մարտի 5-31–ն է՝ մինչեւ ժամը 24։00–ն։
Ընտրություններին մասնակցող քաղաքական ուժերում եւ արդեն իսկ ձեւավորված դաշինքներում դեռեւս քննարկումներ են ընթանում ցուցակների ու թեկնածուների հարցերով: Aravot.am-ը զրուցեց ու տեղեկացավ, որ համապատասխան փաստաթղթերը ընտրություններին մասնակցող ուժերը կներկայացնեն ոչ այսօր, բայց առաջիկա օրերին` քննարկումներն ավարտելուց ու վերջնական ամփոփումներից հետո:
Արփինե ՍԻՄՈՆՅԱՆ
