Բելառուսի նախագահ Ալեքսանդր Լուկաշենկոն հայտնել է, որ Եվրասիական տնտեսական միության մաքսային մարմիններից հետ է կանչել երկրի ներկայացուցիչներին, հաղորդում է Дождь հեռուստաալիքը:
«Ես չեմ ստորագրել Մաքսային օրենսգիրքը, քանի որ շատ բաներ, որոնք պետք է լինեին, չեն գործում: Ավելին, ես կարգադրել եմ մաքսային մարմիններից հետ կանչել մեր հիմնական մասնագետներին: Ինչու՞ են նրանք այնտեղ նստած և աշխատավարձ ստանում: Նույնիսկ չեն վաստակում, այլ ստանում են»,- ասել է Լուկաշենկոն:
Բելառուսի նախագահը կարծում է, որ առաջին քայլը պետք է լինի ապրանքների արգելքի և տարբեր սահմանափակումների հետ կապված խնդիրները լուծումը: «Առանց այդ խնդիրների լուծման ես չեմ դիպչի այդ օրենսգրքին»,- ընդգծել է Լուկաշեկոն:
Հիշեցնենք, Բելառուսի նախագահը ներկա չի եղել 2016թ. դեկտեմբերին նախագահների մակարդակով Սանկտ Պետերբուրգում անցկացված Եվրասիական տնտեսական բարձրագույն խորհրդի նիստին, որտեղ ստորագրվել է Մաքսային օրենսգիրքը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
