ԱՄՆ-ում անցկացված հարցման արդյունքում 144 երկրների թվում Հայաստանը 64-րդ է, որպես Միացյալ Նահանգների դաշնակից երկիր: Ընդ որում, հանրապետականները Հայաստանին ավելի սերտ դաշնակից են համարել, քան դեմոկրատները:
Հանրապետականների տված գնահատականներով Հայաստանը 51-րդ տեղում է, իսկ ըստ դեմոկրատների՝ 90-րդը:
Նախկին Խորհրդային միության երկրներից Հայաստանից առաջ են Լիտվան, Էստոնիան, Վրաստանը և Ուկրաինան:
Հարցվածները ավելի բարձր տեղ են տվել Հայաստանին, քան տարածաշրջանում ավանդաբար ԱՄՆ-ի սերտ դաշնակիցը համարվող, ՆԱՏՕ-ի անդամ Թուրքիային: Ըստ հրապարակված ցանկի Թուրքիան 74-րդ տեղում է, տասը կետով հետ Հայաստանից: Ադրբեջանը 120-րդ տեղում է, Ռուսաստանը՝ 138-րդ, իսկ ցանկի վերջում Հյուսիսային Կորեան է: Ցանկի վերջում հայտնված ավելի քան մեկ տասնյակ երկրները, այդ թվում՝ Ռուսաստանը, համարվում են ԱՄՆ-ին թշնամի երկրներ:
Կարդացեք նաև
Հարցումներն անցկացվել են 2017-ի հունվարի 28-ից փետրվարի 1-ը:
Մանրամասներին կարող եք ծանոթանալ՝ «Ազատություն»–ի կայքում:
